Kinara wa Madawa ya Kulevya Zanzibar Akamatwa Uwanja wa Ndege na gramu 5000 za Unga

Jeshi la Polisi limefanikiwa kumkamata Ali Suleiman Rashid(34) akiwa 
na mikoba 14 ya wanawake aliyohifadhia dawa za kulevya zenye uzito wa 
kilo tano akitokea Oman katika Uwanja wa Ndege wa Kimataifa wa Abeid 
Amani Karume visiwani humo.Akizungumza na waandishi wa habari katika 
Makao Mkuu ya Polisi Ziwani mjini Zanzibar, Naibu Mkurugenzi wa 
Upelelezi na Makosa ya Jinai (DCI ), Yussuf Ilembo alisema kuwa 
mtuhumiwa huyo raia wa Tanzania amekamatwa muda mfupi baada ya 
kushuka kutoka Ndege ya Oman yenye namba za usajili .WY.717 iliyokuwa 
ikitokea Muscat.Ilembo alisema mtuhumiwa huyo alikamatwa Julai 9, saa 
8 mchana akiwa amehifadhi mikoba hiyo katika sanduku kubwa lenye rangi 
nyeusi na maofisa wa upelelezi waligundua ndani yake kuwemomikoba 14 
iliyokuwa na dawa hizo ikiwa imeshonewa kwa vitumaalumu."Dawa hizo za 
kulevya zina uzito wa kilo 5.605, zilihifadhiwakwenye mikoba 14 
inayotumiwana wanawake. Upelelezi kukamilika, atafikishwa mahakamani 
mara moja," alisema DCI Ilembo.Alisema polisi inaendelea na uchunguzi 
wake ili kusaka mtandao wa watu wanaojishughulisha na vitendo hivyo 
kwa kuchunguza njia mbalimbali za mawasiliano za mtuhumiwa huyo 
aliyekamatwa.Kwa mujibu wa polisi, mtuhumiwa huyo alikuwa akitumia 
hati ya kusafiria namba AB 363906 iliotolewa Desemba 29 mwaka 2009 
Makao Makuu ya Idara ya Uhamiaji Dar es Salaam na tayari ameshasafiri 
katika nchi za Brazil, China, Japan, Hong Kong, Afrika Kusini na Falme 
za Kiarabu.Ilembo aliwataka wananchi kuchukua hatua kwa kushirikiana 
na Jeshi la Polisi ili kuwafichua kwa siri, wanaoingiza dawa za 
kulevya na wauzaji ili waweze kuchukuliwa hatua za kisheria.'Wakati wa 
kulindana, kuleana na kuoneana aibu umekwisha, kila mmoja ajione ana 
wajibu wa kulilinda taifa kwa maisha yake na vizazi vijavyo,"alisema 
DCI Ilembo.Mapema mwaka huu polisi walikamata mabegi mawili yakiwa na 
dawa za kuelvya katika chumba cha kuondokea abiria, Uwanja wa Ndege wa 
Kimataifa wa Abeid Amani Karume.